Ш.Бейшеналиев атындагы орто мектебинин ата-энелер комитетинин демилгеси менен “Улуттук экономиканы өнүктүрүү жылына” карата ата-энелердин спорттук мелдеши өттү. Ата-энелер чана сүйрөө, аркан тартыш, кар салмай өңдүү тапшырмаларды аткарышты.
Мелдештин жүрүшүндө жигердүү катышкан ата-энелере комитет тарабынан белектер, грамоталар тапшырылды. Мектептин ата-энелер комитетинин төрагасы С.Сарыков “мындай мелдештер дайыма өтөт. Буга чейин “Шайыр старт” деп өтүлчү. Бүгүн башталгыч класстын ата-энелери арасында болду. Эми апрель айында волейбол жана футбол өтүүнү пландап жатабыз” дейт.
Даярдаган: Б.Мамытбекова