Баетов айылынын Ш.Бейшеналиев атындагы орто мектебинин 9-классынын окуучусу Алина Керимжанова өзүнүн ийилчээктиги менен көптөгөн адамдарды таң калтырды .

 

Ал эл алдында ар түрдүү көнүгүүлөрдү аткарып берди. Алина бул өнөрдү байкесинен үйрөнгөнүн айтат :

«Ооба, мен сен айткандай эле ийилчээк кызмын .Мени байкем кичинекей кезимен эле ийилчээктикке үйрөткөн . Кичинекей чагымда бий ийримине катышчумун,бирок катышпай калганыма көп болду. Мен ушундай ийгиликке жетишкенден кийин , өзүм дагы жаш таланттарга чыккым келип ,конкурстарга катышкым келип калды жана ошондой эле келечекте дагы өз өнөрүмдү улап кетким келет «.

Ш.Бейшеналиев атындагы орто мектебинин дене-тарбия мугалими Таалай Жыргалбеков ийилчээктиктин ден-соолукка кандай пайдасы бар экендигин айтып берди:

«Ийилчээктик-бул гимнастика көнүгүүлөрүнүн бир түрү ,өзүн жеңил алып жүрүү жана шамдагайлык. Эртең менен спорт менен машыгып , дене сымбатыңарды сактагыла деп айтат элем»

Айдай Кадырбекова Алинанын ар тараптуу окуучу  экендигин баса белгиледи :

«Алина менин  классташым гана эмес менин жакын курбум . Алина абдан тырышчаак  жана ийилчээк кыз . Ал окуусун , өнөрүн  бирдей алып кетет. Биз Алина менен сыймыктанабыз жана мактанабыз.

Даярдаган: Элиза Жыргалбекова

Сынак үчүн