“Тун-Ук” жамааттык мультимедиа борбору
Ак-Талаа району, Баетов айылы
Райондогу орто мектептердин окуучулары аралык спартакиада бул жолу 3 өрөөндө,бир эле учурда Н.Жыргалбекова, Ж.Сатылганов жана Ш.Бейшеналиев атындагы орто мектептеринде өткөрүлдү.
Спорттун 6 түрү боюнча мелдешке 6 орто мектептин жаш спортчулары катышты.
Райондук билим берүү бөлүмүнүн адиси Ж.Сыдыков” Быйыл ушундай үчкө бөлүп өткөрүп жатабыз. Анткени 18 мектептин спортчуларын бир жерге бир күндө чогултуп өткөрүү кыйындыкка турат экен. Экинчи финалдык туруна 1-2-орундарды алган күчтүү командалар келишет. Ал 9-апрель күнү болот” дейт. Бул жолку мелдештерде Ш.Бейшеналиев атындагы орто мектебинин окуучулары жакшы даярдыкта экенин көрсөтүшүп, футбол, эстафета, волейбол, тогуз коргоол, шахмат боюнча алдыңкы орундарды камсыз кылышты.
Даярдаган: Мирлан кызы Айпери
Тренер: Кубанычбекова Калида