Өмуркулов Залкар  Баетов айылынын тургуну, таланттуу жана профессионал  сүрөтчү.

Чейрек кылымдан бери Ш.Бейшеналиев атындагы орто мектебинде балдарга сүрөт сабагынан сабак берет. Сүрөтчунүн кыл калемине таандык сүрөттөр өзүнчө галареяны түзөт.Айтканына караганда бала кезден сүрөтчү болууну кыялданчу. Кээде көрүп, кээде ойлонуп тарта берет.

Бирок кандай сүрөт тартпасын боек тандоодо кылдат мамиле кылат. Анткени ал  көп нерсени чечип коет. Буйрутма боюнча портрет да тартат. Тарткан картиналарын сатыкка койсо, айрымдарын белекке берет. Ал эми  баасы   шаардыкына   салыштырмалуу кыйла эле арзан.  Каарманыбыз  “Жылкы баласын тартканды жакшы көрөм, тажабайм. Канча ирет тартканым да эсимде жок.  Ушу жаныбарды тартып жатканда өзунчө бир эргүү келет. Балам, кызым да сүрөттү жакшы тартышат.”

Айылдык сүрөтчү эмгектеринде боектун бардык түрүн колдонот. Тартуу үчүн керектүү материалды шаардан буйрутма менен алдыртат. Мектепте өзү окуткан балдар  ар кандай сүрөт сынактарда алдынкы, байгелүү орундарды камсыз кылып келатканын сыймык менен  белгиледи.

Даярдаган:   Г.Мамытбекова