“Тун-Ук” жамааттык мультимедиа борбору
Ак-Талаа району, Баетов айылы
Тайлак баатырдын 220 жылдыгына карата өтүүчү мааракеде баатырдын образын Арстанбек уулу Чынгыз ойнойт. Ал буга чейин Ак-Талаа районунун 80 жана Тайлактын 220 жылдыгына арналган чон программадагы концертте баатырдын образын жогорку чеберчилик менен ачып берген.
Ат-Башынын кулуну, ата-энеси, же бир тугандарынын арасында Чынгыздай бою узуну жок. Өз кесиби экономист. Чыңгыздын айтымында ага роль жаратуу абдан жаккан. Атайын актерлук жаатта билим алуу оюнда болгону менен убактысы жок. Дайыма чакыруулар менен гастролдон бошобойт. Манас, Кошойдун ролун жана Король Лирде эпизоддук ролду аткарган. Бою м 10см болгон каарманыбыз учурда алты айдан бери Нарын музыкалуу драма театрында эмгектенет.
Даярдаган: К.Кубанычбекова, А.Касмалиева