“Тун-Ук” жамааттык мультимедиа борбору
Ак-Талаа району, Баетов айылы
Жайкы мезгилдеги ремонт иштеринин ар кандай себептеринен улам кечеңдеп, жаны окуу жылына кирбей калуу коркунучунда турган Баетов айылындагы Ш.Бейшеналиев мектеби 1-сентябрда окуу процессин баштады.
Салт катары өтүлүүчү бул иш чарага райондун акими С.Черикбаев, билим берүү бөлүмүнөн, айыл өкмөттүн өкулдөрү жана ата-энелер, окуучулар, мугалимдер катышты.
Мектептин окуу бөлүмүнүн башчысы Ч.Сатындиева өткөн окуу жылындагы ийгиликтерге токтолду. Ал эми аким С.Черикбаев мектеп үчүн мамлекет тарабынан жасалып жаткан иштерге кенири токтолуп, жаш муундарды Ата Мекенди сүйүүгө, жакшы билим алууга чакырды.
Иш-чарадан соң аким окуу бөлмөлөрүнө баш багып, тарбиялык сааттарга катышты. Ошондой эле бүтүрүүчүлөр жана мугалимдер менен пикир алмашып, жаңы окуу жылына ийгиликтерди каалады.
Даярдаган: Г.Мамытбекова