“Тун-Ук” жамааттык мультимедиа борбору
Ак-Талаа району, Баетов айылы
Ак-Талаа районунун аймагында жаш өспүрүмдөр арасында жол кырсыктарын болтурбоо жана алдын алуу максатында 1-сентябрдан бери “Көңүл бургула, балдар!” аталышынддагы рейд журүүдө. Аталган иш чаранын алкагында айдоочулар арасында, эл көп чогулган жерлерде түшүндүрүү иштери жүргузүлүп, РИИБнүн ПМ тобунун кызматкерлери тарабынан жылып жүрүүчү 2 пост уюштурулган. Ак-Талаа РИИБ боюнча патрулдук милиция тобунун жол кыймылы коопсуздугунун ага тескөөчүсү Т.Иманалиевдин айтымында бул рейд 20-сентябрга чейин өткөрүлөт жана мектептерде окуучулар, ата-энелер, мугалимдер арасында жол кыймылынын коопсуздугу боюнча түшүндүрүү иштери өткөрүлөт.
Урматтуу айдоочулар! Жолдо жүрүүдө, автоунаа башкарууда абайлаңыздар!
Даярдаган: К.Кубанычбекова