Бүгүн Баетов айылындагы Адилет атындагы паркта  спорттун 4 түрү боюнча  турнир башталды.Аталган турнир  Адилет Карасартов элесине арналып, достору тарабынан уюштурулду.   Быйыл 6-ирет өткөрүлүп жаткан турнирдин ачылышына  атасы С.Карасартов, райондук администрациянын  башчысынын орун басары Ж.Мамбетова, жоро-жолдоштору жана оюнчулар катышты.  Алгач  арбагына багышталып,куран окулуп, андан соң келгендер иш-чаранын максатына токтолушту.

Ак-Талаа району боюнча спорт инспектору  М.Чырмыевдин айтымында  волейбол, футбол боюнча 11 команда катышып жатат. Ал эми   байге фонду 30миң сомду түзүп, аны жолдоштору-классташтары демөөрчүлүк кылышууда.  Өкүндүргөнү жыл сайын катышуучулардын санынын азайып баратышы.  Бул турнирди өткөрүүнүн негизги максаты-Адилет Карасартовдун атын өчүрбөй, анын атын, эрдигин даназалоо болсо. Экинчиси жаштардын спортко болгон кызыгуусун арттыруу.  Бул турнир жыл сайын 23-сентябрь Адилетти эскерүү катары өткөрүлүп келет.  Спорттук мелдеш эки кунгө созулуп, 23-сентябрда туулган күнүндө  жыйынтыкталат. Оюндун жеңүүчулөрүнө баалуу белектер жана өтмо кубок тапшырылат.

Эскерте кетсек;  Карасартов Адилет 2010-жылы 7-апрелде курман болгон. Тирүү болгондо 31 жашка чыкмак.

Даярдаган:  Кубанычбекова Э. Тажиева А.

Сурөттү тарткан:  Эсеналиев Урмат

Тренер:  Тазиева Э