“Тун-Ук” жамааттык мультимедиа борбору
Ак-Талаа району, Баетов айылы
Милиция кызматкерлеринин кесиптик майрамы белгиленди
Кыргыз милициясына быйыл 1-ноябрда 92 жыл болду. Мына ушул датага байланыштуу Ак-Талаа райондук ички иштер бөлүмүнүн кызматкерлери кесиптик майрамды белгилешти.
Майрамдык салтанатка арналган иш чара бөлүмдүн жыйындар залында өтүп, ага райадминистрация башчысы С.Черикбаев, милициянын ардагерлери жана өздүк курам катышты. Аким С.Черикбаев сыймыктуу, жоопкерчиликтүү кесип ээлерин майрамы менен куттуктап, ыраазычылык кат тапшырды.
Бөлүмдүн жетекчиси, милициянын полковниги Т.Кадыров айрым кызматкерлерге ички иштер министрлигинин “Ардак” жана “Азамат” төш белгилери жана ардагерлерди Ардак Грамоталар менен сыйлады.
Даярдаган: Г.Мамытбекова