“Тун-Ук” жамааттык мультимедиа борбору
Ак-Талаа району, Баетов айылы
10-ноябрь жаштар күнүнө карата Нарын облусунун борбору болгон Нарын шаарында райондор аралык кол күрөш, таяк тартыш оюндары боюнча мелдештер өткөрулдү. 60кг салмакта кол күрөш жана таяк тартыш боюнча Жаны-Талап айылынын тургуну Нурсамат Кенешбеков 1-орунга , 70кг салмакта спорттун жогорудагы түрлөрү боюнча 1-орунга Жумабек уулу Бек, ушул эле салмакта 3-орунга Абышов Курдаш, 70кг дан жогору салмакта 1-орунга Бердибек уулу Ислам жогорку чеберчилик жана даярдыктарын көрсөтүшүп, байгелүү орундарды камсыз кылышкан.
Ал эми кыздар арасында кол күрөш боюнча 1-орунга, таяк тартыш боюнча 2-орунга Капарбек кызы Гүлжаз татыктуу болду. Жалпы оюндун жыйынтыгында жалпы командалык эсепте Ак-Талаа району 1-орунга чыкты. АК-Талаа райондук спорт комитети жаштарга колдоо көрсөтүп, оюнга катышып келүүлөрүнө жардам кылган.
Даярдаган: Калида Кубанычбекова