“Тун-Ук” жамааттык мультимедиа борбору
Ак-Талаа району, Баетов айылы
Аба-ырайынын кескин өзгөруп, ашууларда, белдерде кар күрткүсү пайда болуп, автоунаалардын жүрушүнө кыйынчылык жаратып жаткандыктан райондун аймагындагы Молдонун бели, МЭЛС, Ак-Мойнок ашуулары жаз келип, кар кеткенге чейин убактылуу жабылды.
Райондогу №15 жол тейлөө ишканасына ашуулардагы белгилүү жерлерге жолдун жабылгандыгы тууралуу жол белгилерди коюу жана автоунаа өтпөгүдөй кылып тосуу жагы тапшырылды. Ак-Талаа райондук мамлекеттик администрация башчысы аким С.Черибаевдин айтымында жолдорду убактылуу жабуунун максаты- райондун аймагындагы жарандардын коопсуздугун камсыз кылуу жана ири материалдык чыгымдардын болушуна жол бербөө. Учурда бул тууралуу калкка түшүндүрүү иштери жургүзүлүүдө.
Сынакка даярдаган: Кубанычбекова Эльвира
редактору: Тажиева Эльнура