Азыркы учурда баардык эле мектептерде 11-класстардын биринчи маселеси болуп кайсы кесиптин ээси болом деген суроо бар. Айрымдары кичине кезинен бир кесипке багыт алышса кээ бири азыркыга чейин ойлонуп жүргөн кези.азыркы учурда 11-класстар  ОРТга ар кандай китептерди алып окуп, кээ бири болсо мугалимдерден кошумча билип алып жаткан учуру. Мектепти бүткөн соң тандаган кесиби боюнча жогорку окуу жайына тапшырат. Мына ошону билүү үчүн Ш.Бейшеналиев атындагы орто мектебинин окуучуларына “Келечекте кайсы кесиптин ээси болгун келет?” –деген суроо менен кайрылдык.

Сүрөт интернеттен алынды

 

 

Бейшеналиева Аймырза 11-класс

Мен келечекте доктур болгум келет.  Бул кесипти тандаганымдын себеби адамдардын оорусу менен күрөшүп, аларга жардам берүү бул менин максатым. Бул кыялды ишке ашырыш үчүн көп аракеттерди жумшап жатам, өзгөчө химия жана биология сабактарын окуп, кошумча курстарда билим алып, билимимди кеңейтип жатам. Келечекте кесибимдин мыкты адиси болом деген ишенич бар.

 

Жыргалбекова Анара11-класс

 

Негизи дизайнер болууну каалайм. Бирок биринчи кесип катары экономист кесибин тандап алдым. Менин оюмча 2 кесипти алып кетүүгө болот эгер экөөнө тең кызыгын бар болсо. Мен экономист болуп иштеп, дизайнерликти бош убагымда алектенсем болот.

Маметова Айдана 11-класс

Менин азыркы күнгө чейин ойлонуп, тандаган кесибим котормочу.Мен башка элдердин тилине аябай кызыгам.Азыр корей тилин окуп үйрөнүп жаткан учурум. Келечекте  Түштүк Корея барсам деген кыялдарым бар.

 

Сынак үчүн даярдаган: Тажиева Аима

Тренер:Касымалиева