Баетов айылында  1-декабрь СПИДге каршы күрөшүү күнүнө  карата  кыз-келиндер арасында спорттун волейбол жана  стол тенниси боюнча спорттук мелдештер өттү.  Ага Ак-Талаа  райондук оорукананын жугуштуу оорулар бөлумүнүн башчысы А.Көкөтаева катышып, иш чаранын максаты, учурда аталган оорунун абалы  тууралуу маалымат берди. Мелдештин өтөрү тууралуу жобо айылдагы 10 мекемеге  алдын-ала берилип, тааныштырылганы менен 4 гана команда катышты.

Оюнду Ак-Талаа райондук спорт комитети уюштуруп, калыстар тобу иштеди. Оюндун жыйынтыгында Ш.Бейшеналиев атындагы орто мектебинин командасы жеңип алып, өтмө кубок, медалдар жана акчалай сыйлыктар менен сыйланды. Ал эми 2-орунга бала бакчанын тарбиячылары  татыктуу болсо, 3-орунду ооруккананын оюнчулары  камсыз кылды.  Ал эми теннис боюнча Капарбек кызы Гулжаз байгелүү орунду женип алды.

Кийинки мелдешти  Ш.Бейшеналиев атындагы орто мектебинин командасы уюштурат.  Команданы капитаны Капарбек кызы Гүлжаздын айтымында мелдешти жогорку денгээлде уюштуруп, өткөрүп беришет.

Сынакка даярдаган:   Кубанычбекова Эльвира

Редактору:  Тажиева Эльнура