Ш.Бейшеналиев атындагы орто мектебинде жаш мугалимдер арасында  “Билерман ордо”  интеллектуалдык таймаш болуп, ага  беш мугалимден турган  “Билим” командасы катышты.

Аны мектептин жаш мугалимдер методикалык секциясынын жетекчиси Г.Какаеванын демилгеси жана уюштуруусу менен өттү. Таймаштын жүрүшүндө  физика, география, тарых  жана ошондой эле логикалык багыттагы суроолор берилди.

Ар бир суроонун тегерегинде   ойлонууга  1 мүнөт  убакыт берилип, “Вабанк”, “Сектор талант”, “Бонус”  сыяктуу кызыктуу тапшырмалар аткарылды.  Акча наркы менен бааланган суроолорго кээде туура жооп берсе, таппай калган учурда акча капчыкта калып жатты. Оюн кызыктуу болуп, команда жигердүү катышты.

Г.Какаеванын айтымында бул сынак жаштардын  ортосундагы биримдикти, ынтымакты чыңдоо   менен  билим денгээлин көтөрүүгө жардам берет. Изденет.

Ал эми мектептин окуу бөлумүнүн башчысы   Ч.Сатындиева “мындай таймаш айына эки ирет өткөрүлөт жана  өтмө кубок тапшырылып турат. Балким бул саамалыкты билим берүү бөлүмү менен бирге райондук мектептин мугалимдерине жайылтуу иш аракетерин көрөбүз” дейт.  Таймаштагы суроолор акча менен баалангандыктан   “Билим”  командасы 185 акча утуп алышты.

Таймаштын сонунда команданын капитаны С.Кайыпназарова өтмө кубокту кийинки команданын өкүлүнө тапшырды.  Экинчи айлампа Жаны Жылдын алдында өтөт.

Даярдаган:  Г.Мамытбекова