Ак-Талаа районунда   быйыл биринчи ирет айымдар үчүн  “Апалардан ак бата”    Жаңы Жылдык  “Көгүлтүр от”  болду.

Бул иш чарага  Коммунисттик партиянын убагында райондун аймагындагы чарбаларда  малчы, саанчы, мугалим болуп иштеген жана азыркы учурда ардактуу эс алууда жүргөн ардагерлер, ар кыл тармактын өкүлдөрү, жетекчи айымдар  катышты.

Ак-Талаа райондук мамлекеттик администрациясынын башчысынын орун басары, иш чараны демилгелеген  Ж.Мамбетова  катышуучуларды Жаны Жылы менен куттуктап: “Быйыл ушу кечени өткөрөлү деп уюштурдук. Ар бир айылды камтыганга аракет кылдык. Бардыгыңыздар убагында өлкөнүн өнүгүшу үчүн салым кошконсуздар.  Араңыздарда азыр да эмгектенип жатканыныздар барсыздар. Азыр мына канчадан бери көрүшө элек курдаштар жолугушуп, чер жазып  жатасыздар”

Аталган кечеде уюштуруучулар тарабынан кызыктуу оюндар  ойнолуп,  апалар жигердүү катышып, белектерге ээ болуп жатышты.

Кечени  райондук маданият үйүнүн кызматкерлеринин ыр-күүлөрү менен коштоду жана   Жаңы Жылдык  сахна көрүнүш жакшы маанай тартуулады.

Сынакка даярдаган:  Кубанычбекова Э. Жылдызбек кызы А.

Редактору:  Тажиева Э.

Маалымат басылманын менчиги болуп саналат жана кчрп басууга тыюу салынат!