Ак-Талаа районунда жыл жыйынтыгы чыгарылды.  Салт болуп калгандай  жергиликтүү бийлик өкулдөрү, айыл өкмөт башчылары, мекеме жетекчилери  жана айыл тургундары катышуусунда  жыл ичиндеги жетишкендиктер белгиленди.

Райондук акими С.Черикбаев узап бара жаткан жылдагы бир катар ийгиликтерге, анын ичинде   “Көчмөндөр оюнундагы  ийгиликтер, Тайлак баатырдын республикалык денгээлде белгиленген 220 жылдык жана райондун 80 жылдык мааракелерге кенири токтолду. “Жылдын адамы”, “Жыл сыймыгы” “Мыкты  мекеме”, “Мыкты айыл өкмөт”   “Үлгүлүү мекеме жетекчи” номинациялары  ыйгарылды.

“Жылдын адамы” номинациясы: “Мангэл” айыл чарба кооперативинин негиздөөчүсү  К.Асанов,  Нарын облустук жол-тейлөө ишканасынын жетекчиси   Т.Абдылдабеков

“Жыл сыймыгы”  номинациясы:

Көк-Жар айылынын шамдагайлар тобу-Көмөндөр оюнунда боз үйдү 13мүнөт 40 секундада  тигишкен ,

Ш.Бейшеналиев атындагы орто мектебинин мугалими Г.Мамытбекова -Мугалимдердин республикалык  “Мугалим-коомдун күзгүсү ”  сынагында 1-орунду женип алган,

Билимбек кызы Калмира— Ригман шаарында өткөн Азия оюндарында кыздар арасында 33кг салмакта 1-орунду камсыз кылган,

спортсмендер  Р.Тойчубеков жана Ж.Турдубековго тапшырылды.

Ал эми   “Үлгүлүү айыл өкмөт башчысы” наамына  жеке аракети менен айылга бир нече инновациялык долбоорлорду тарткандыгы үчүн   Угүт айыл аймагынын айыл өкмөт башчысы А.Орозакунова татыктуу болду.

“Мыкты айыл аймагы” номинациясы жана өтмө Кызы Туу Ак-Тал айыл аймагына берилди.

“Мыкты мекеме” номинациясы менен  №15 жол тейлөө мекемеси,

“Улгүлүү мекеме жетекчиси”  номинациясы менен   насыя портфели 31 млн сомго жеткен РСК банктын Ак-Талаа филиалынын жетекчиси   Жумак  уулу  Нурбек сыйланды. 

“Мыкты жетекчи” наамына райондук   “Айыл турмушу”  гезитинин редактору  О.Дөлөев жана  райондук электр тармактар ишканасынын жетекчиси Т.Турганбеков татыктуу болду.

Ошондой эле  райондук ички иштер бөлүмүнүн бир катар кызматкерлери Ардак грамота жана милициянын 90 жылдыгына арналган юбилейлик медалдар менен сыйланышты.  Республикалык “Эл ичи-өнөр кенчи” теледолбооруна катышып, байгелүу орундарды  жана Кипрга жолдомо алып келген Б.Токсобаева   жана Д.Карабекова райондук администрациянын сыйлыктарына ээ болушту.
Жыл мыктыларына арналган салтанат райондук маданият үйүнүн, балдар билим борборунун, музыкалык мектептин жана элдик таланттардын концерттик программасы менен коштолду.

Сынакка даярдаган: Кубанычбекова Эльвира, Жылдызбекова Алтынай.

Редактору:  Тажиева Эльнура

Маалымат басылманын менчиги болуп саналат жана көчүрүп басууга тыюу салынат!