Ак-Талаа райондук тарых музейинде  көптөгөн экспонаттар бар. Алып айтсак   райондун аймагында жашаган жаныбарлар, өсүмдүктөр, тарыхый жерлер   жана кыргыз эли колдонгон  байыркы буюмдар тууралуу маалымат алууга болот.

Учурда   музейде 42  боёк менен тартылган, 89 графикалык сүрөттөр,  10 скульптура, 164 прикладдык искусствонун  буюмдары, 23 археологиялык,  301 этнографиялык буюмдар, 1069 баалуу сүрөттөр жана 448 баалуу документтер сакталып турат. Өткөн жылы  жалпы 2784 экспонат бар болгон. Ал эми быйыл  дагы жаңыланып,  69 экспонат музейге коюлган. Экспонаттар  эл арасынан чогултулуп алынат. Айрымдары өздөрү алып келип беришсе, айрым учурда атайын кайрылуу менен алынып, музейге коюлат.  Жаңы экспонаттардын арасында сүрөттөр, документтер жана ар кандай буюмдар бар.

Музейдин директору   Апилов Мыктыбек агайдын айтымында жыл бою  көргөзмөлөрдү, ар кандай жолугушууларды, кечелерди жана илимий конференцияларды уюштуруп,өткөрүп турат. 4 ирет көчмө музей уюштурулган.

Сынакка даярдаган:   Илимбек кызы Зулайка

редактору:  Айылчиева Адина

Маалымат басылманын менчиги болуп саналат жана көчүрүп басууга тыюу салынат!