Бүткүл Дүйнөлук   II Көчмөндөр  Оюнунда миң комузчу  “Маш ботойду”   черткени  баарыбызга маалым.  Алардын  арасында Ак-Талаа районунан    ашык-кеми жок туура 100 комузчу да барган. Бүгүн   мына ошо иш чаранын  жигердүү катышуучуларына,  тактап айтканда комузчуларга Президент А.Атамбаевдин   Ыраазычылык катын тапшыруу салтанаты болду. Ал райондук маданият үйүндө өтүп, райаким С.Черикбаев, мекеме жетекчилери жана ата-энелер катышты.

Куттуктоо сөзүндө  аким  Акталаалыктардын Көчмөндөр оюнундагы ийгиликтерине кеңири токтолду. Айрыкча Боз үйдү 13 мүнөттө тигип жетишкен шамдагай агаларды, кол өнөрчү-уздарды, балбандарды жана комузчуларды баса белгиледи.

Айылдардан бери келген комузчуларга аким жана коллегия мүчөлөрү Ыраазычылык каттарды тапшырды.

Ата-энелердин атынан Сүйүндүк Карасартов  балдар музыкалык мектебинин мугалимдерине жана комузчуларды даярдаган Исаева Нурай  эжеге ырахмат айтты жана комуз ата бабадан калган мурас экенин, аны урпактар унутпай улантып кетүүлөрү зарыл экендигин кошумчалады.  Ал эми   боз үй тиккен   агаларга  жана балбандар  Руслан Тойчубеков, Жекшенбек Турдубековдорго  2.500 сомдон акчалай сыйлыктар берилди.

Сынакка даярдаган:     Мамбетказиев Абдурахим

Редактору:   Айылчиева Адина

Маалымат басылманын менчиги болуп саналат жана көчүрүп басууга тыюу салынат!