Баетов айылындагы Д.Ажиев атындагы клубда  биринчи жолу кенже кызматкерлерге арналган  атайын иш чара-салтанат болуп өттү. Ага Баетов айыл  аймагына караштуу бала бакча, мектеп, балдар билим борбору, тазалык  ж.б мекемелерде иштеген 130га жакын   кенже кызматкерлер, жетекчилери катышты.

Анда  алдынкы кенже кызматкерлерди райадминстрациянын, айыл өкмөтүнүн  жана кесиптик уюмдардун грамоталары   тапшырылып, сый тамак берилди.

Айыл өкмөт башчысы Талант Турусбеков:  “өтүлүп жаткан иш чаранын негизги максаты- бул кенже кызматкерлерге көңул буруу, аларын эмгегин баалоо, демине дем кошуу.Өзүңөр билгендей мекемелерде бир аз эмгек акы менен иштешет. Бардык кесип ээлеринин майрамы белгиленип, кенже кызматкерлер унутта калышат. А чынында алардын эмгектери зор.Андыктан жыл сайын ушул күндү   (21-январь)  Баетовдо  кенже кызматкерлер кунү деп белилеп  турсакпы деп жатабыз. Убакыт көрсөтөт”  дейт. Иш чара ыр-күүлөр менен коштолду.

Сынакка даярдаган:  Кубанычбекова Эльвира

Редактору:  Тажиева Аима

Маалымат басылманын менчиги болуп саналат жана көчүрүп басууга тыюу салынат!