Коңорчок айылындагы Н.Жыргалбекова атындагы орто мектебинде  “Ыйман, адеп жана маданият жылына”  карата 9-11-класстарынын алдыңкы окуучуларынын арасында  “Акыл ордо”  таймашы өттү.

Мектептин социалдык педагогу  Аида Аппасова таймаштын максаты тууралуу:  “окуучуларды, адептүүлүккө, ыймандуулукка  тарбиялоо менен бирге билимге  болгон ынтызарлыгын, аракетин  өнуктүрүү . Албетте билимдүү жеңет“ дейт.  Таймаш   3 бөлүктөн туруп,  предметтик  суроолор менен бирге кыргыз элинин маданиятына  байланышкан жана патриоттуулук багыттагы:  “Манас”  эпосу, кыргыз   мамлекетинин өнүгүшүндө салым кошкон   улуу  инсандар  ж.б боюнча   суроолор берилди. Окуучулар  бардык  аракеттерин жумшап, жигердүү катышышты.  Оюнга катышып жаткандардын жаш өзгөчөлүгү ар кандай болгондуктан  бири-биринен  женилип калбоого    аракеттеништи.   Оюндун шарты боюнча 3-турда Корчубекова   Нурайым  менен Карбосова   Гүлүмкан  билимдерин сынашты.    Жыйынтыгында   Карбосова Гүлүмкан жеңүүчү  болуп, Ардак грамота менен сыйланды.

Даярдаган:  Кубанычбекова Эльвира