Бүгүн Ш.Бейшеналиев мектебинде   райондогу мекеме-ишканалардагы кыз келиндер арасында  өтмө кубоктун кезектеги оюну болуп өттү.  Мелдешке бул жолу 8 команда  катышып,   райондук  “Тынчтык”  балдар бакчасынын эмгек жамааты уюштурду.

Буга чейинки болуп өткөн  спорттук мелдештердин  4 айлампасындагы оюндардан айырмаланып,  бүгүнкү    оюнда  мүшөк менен секирүү,  жаздык чабышмай,бир шакекченин ичине эки киши  болуп айланып чуркоо  жана таякчанын жардамы менен топту  тоскоолдуктардан алып өтүү сыяктуу кызыктуу оюндар ойнолду.

Жаздык чабышуу оюнунда бала бакча жана  оорукананын  айымдары артыкчылык кылышса, калган эстафеталык оюндарда балдар билим борбору, мугалимдер жигердүү катышты.

Мелдештин соңунда өтмө кубокту жана кийинки мелдешти уюштуруу милдети  балдар билим борборунун жамаатына тапшырылды.

Ал эми 2- орунду Ш.Бейшеналиев мектеби,   3-орунду Э.Карасартов мектеби камсыздады.  Жеңүүчүлөргө  бала бакчанын директору М.Мундусбаева     сыйлыктарды тапшырып, ден соолукту жана  ынтымакты чыңдоо максатында уюштурулуп жаткан  мелдешке ийгилик каалады.

Сынакка даярдаган:   Жылдызбек кызы Алтынай

Редактору:   Айылчиева Адина

Маалымат басылманын менчиги болуп саналат жана көчүрүп басууга тыюу салынат!