Жерге-Тал айылындагы И.Молдобаев атындагы  орто мектебинде тарбия иштерин уюштуруучулардын   быйылкы окуу жылындагы райондук семинары  жыйынтыкталды. Семинар   “тарбия башаты-адеп”  деп аталып, анда 6 орто мектептин уюштуруучулары  ар кыл үлгүдөгү   ачык тарбиялык сааттарды, тренинг жана талкууларды ата-энелер менен бирге  өтүштү.  Алгач мектеп тууралуу  окуу бөлүмүнүн башчысы Гүлзат Куштарбек кызы маалымат берди:  Мектепте 116 окуучуга 26 мугалим билим-тарбия берет. Мектеп алгач толук эмес билим берүүчү болуп уюшулган. Учурда 1-11-класска чейин класс комплекти бар”.

Андан соң белгиленген жүгүртмө боюнча сабактар өтүлдү.   М.Базаркулов атындагы мектебинин уюштуруучусу Жазгүл Момуналиева  “Адептүүлүк, ыймандуулук адам көркү”,  Э.Мейманов мектебинен Капарова Айгүл  “Адамдагы эң жогорку сапат-адептүүлүк”, Н.жыргалбекова мектебинен  Исраилова Бурулсун   “Адеп башаты-үй-булө”  ж.б темаларда сабактарга окуучулар жана ата-энелер жигердүү катышты.  Мектептин тарбия иштерин уюштуруучусу Рахат Биримкулова ата-энелер бардык учурда мектепке ар тараптуу жардамдарды  берип, колдоо көрсөтүп, тыгыз байланышта экендигин айтты.   Ак-Талаа райондук  билим берүү бөлумүнүн адиси Ильич Жакшылык уулу:  Теманы абдан жакшы тандап алгансыздар. Сабактар абдан жакшы өттү. Ошондой эле мектептин өзүндө жакшы жакка өзгөрүүлөр бар экен. Бул семинар быйылкы окуу жылындагы жыйынтыктоочу семинар болчу. Буюрса  жыл бою бири-бирибизден ушундай иш чаралар аркылуу тажрыйба алмаштыкдеп ойлойм”  деди.

Даярдаган:  Г.Мамытбекова