Бүгүн Ак-Талаа районунда Нооруз майрамына карата майрамдык иш чара болду. Быйылкы жылы кыш оор болгондуктан кар эрибей, салтанат райондук маданият үйүндө өттү. ![DSC_2200[1]](http://tunukradio.kyrgyzmedia.com/wp-content/uploads/sites/15/2017/03/DSC_22001-1024x681.jpg)
Ага айыл аксакалдар, жашоочулар, мекеме жетекчилер катышты. Салтанатта райаким келген элди Нооруз майрамы менен куттуктап, аба ырайынын шартын кошумчалады.
![DSC_2207[1]](http://tunukradio.kyrgyzmedia.com/wp-content/uploads/sites/15/2017/03/DSC_22071-1024x681.jpg)
Мындан сырткары Аксакалдар кеңешинин атынан Абдыкапар Саалиев, апалардын атынан Майрам Молдалиева жана мекеме жетекчилеринин атынан куттуктоо сөздөрүн айтышты. Нооруздун шааниси болгон Сүмөлөк келген элге узатылды.
![DSC_2225[1]](http://tunukradio.kyrgyzmedia.com/wp-content/uploads/sites/15/2017/03/DSC_22251-1024x681.jpg)
Майрамдык салтанат маданият кызматкерлеринин, балдар билим борборунун, балдар музыкалык мектебинин мугалимдеринин жана “Дидема”, “Тоо шаңы”, “Азем” бийчилер тобунун концерттик программалары менен коштолду.
Сынакка даярдаган: Жылдызбекова Алтынай
Редактору: Айылчиева Адина