Баетовдо  7-апрель Бүткүл дүйнөлүк ден-соолук күнүнө карата  кыз-келиндер арасында  волейбол оюну боюнча мелдеш өттү. Ага  жалпы 7 команда катышты.  Оюнду Ак-Талаа райондук оорукананын ден-соолук кабинети   спорт комитети менен бирге  уюштурду. Айрым командалар алдын ала берилген жобого ылыйык жакшы даярдык менен келишкен жана  эки айлампадан турган оюнда  мыкты оюн көрсөтө алышты.

1-орунду Ак-Талаа районунун аялдар кеңешинен түзүлгөн команда камсыз кылса,  2-орунду Ш.Бейшеналиев атындагы орто мектебинин  командасы ээ болду. Ал эми  3- орунга   Э.Карасртов орто мектебинин мугалимдери чыкты.

Уюштуруучулар тарабынан жеңүүчүлөргө  жана командалардын айрым мүчөлөрүнө  грамоталар жана акчалай сыйлыктар тапшырылды.

Ден-соолук кабинентинин башчысы  Эркингул Акматалиева:  “Убактыныздард бөлүп, оюнга келип бергениңиздер үчүн ыраазычылк билдирем. Бүгүн абдан жакшы оюн болду деп ойлойм.  Буюрса мындай спорттук мелдештерди дагы өткөрүү планыбызда бар. 31-майда веложарыш уюштурабыз. Ал эми жеңүүчүлөрдү куттуктайм жана баарыныздарга ден-соолук каалайм”  дейт. Аталган мелдешке ден-соолук кабинетинин айылдардагы өкүлдөрү да катышты.

Даярдаган:    Эльвира Кубанычбекова