Конорчок айылындагы Н.Жыргалбекова атындагы  орто мектебинде   эң мыкты көрсөтмө куралдардын сынагы болуп өттү.  Ага   мугалимдердин  фантазиясынан жаралган сабакка колдонуучу оригиналдуу жасалган ар кандай  кыймылдуу көрсөтмө куралдар коюлду. Сынак мектеп администрациясы тарабынан уюштурулуп, калыстар тобу мугалимдердин эмгектерин сабакка колдонуусуна, эстетикасына карап баалашты.

Калыстардын берген баасынын жыйынтыгы менен 1-орунга Кенжебаева Майрамкан, 2-орунга Жумаева Нуркан татыктуу болсо, ал эми 3-орунду Абдыгулова Жийде женип алды.

Жеңүүчүлөргө Ардак грамота менен бирге акчалай сыйлыктар берилди.  Мындан сырткары  айрым мугалимдерге кызыктыруучу сыйлыктар да тапшырылды.  Мектеп директору   М.Исамамбетованын айтымында мындай сынактарды өткөрүү-мугалимдерге стимул болот.Негизи эле учурдун талабына ылайык билим берүү зарыл. Демек  көрсөтмө курал да маанилүү. Ал эми жеңүүчү деп табылган мугалим  райондук сынакка катышат.

Даярдаган:  Аппасова Аида

Конорчок айылы