Бүгүн Ак-Талаа райондук маданият үйүндө  “Ыйман, адеп жана маданият жылына” жана   Элдик революциянын 7 жылдыгына карата    “Туугандуу бийде ыйман жок” жана  “От тамган онунчу жыл”   аттуу  поэзия кечеси болду.  Кечени райондук китепкананын кызматкерлери уюштуруп, ага эмгек ардагерлери, окуучулар жана мугалимдер катышты.

А.Кулназаров атындагы китепкананын директору  Жээнбаева Замира Элдик   революция тууралуу маалымат берди.

Андан соң   башкы китепканачы Омуралиева Гулзат  аталган датага байланыштуу чыккан китептер,  журналдагы макалалар тууралуу баяндама жасап, “Эл бакубат жашоо үчүн сөзсүз революция керекпи?  ал кандай жетишкендиктерди берди” деген суроонун тегерегинде окурмандар менен ой бөлүшүү болду.

Китепкана директору  З.Жээнбаева кеченин максаты тууралуу: “Элдик  баатырларды эскерүү менен, ар бир кыргыз атуулу өз Мекенин татыктуу коргой аларын дагы бир жолу далилдедик”  дейт.

Кечеде  “Бүчүр” поэзия ийриминин мүчөлөрүнүн ырлары окулду.

Даярдаган:  Нурбек кызы Аймырза