Ак-Талаа районунда мындан 17 жыл  мурда   жалаң  айымдардан турган  “Акмөөрдүн сиңдилери”    тобу түзүлгөн. Бул  жылдарда  аталган  топ   республиканын аймагындагы маданий жайларда бир нече ирет, концерттик программаларын  менен ар кандай сынактарга катышып, өнөрлөрүн тартуулап келишкен. Топтун курамындагы  айымдардын дээрлик көпчүлүгү  “Маданияттын мыктысы”   төш белгилеринин ээси болсо, айрымдары райондун,  облустун  “Ардактуу атуулу” наамынын ээлери. 2005-жылы Маданият  министрлиги тарабынан Элдик деген наам ыйгарылган.

Үстүбүздөгү жылы  кыргыз телевидениеси тарабынан уюштурулган  “Шайыр апалар”   сынагына катышып,   сынактын  Талас шаарында өтүүчү  республикалык туруна  катышууга жолдомо алышкан. Эми  9-майда  Туркия мамлекетинде өтүүчү фестивалга катышууга даярдыктарды көрүп, эки күндөн бери райондук маданият үйүндө концерт беришүүдө.

Даярдаган:  Кубанычбекова Эльвира