“Тун-Ук” жамааттык мультимедиа борбору
Ак-Талаа району, Баетов айылы
Ш.Бейшеналиев атындагы орто мектебинде жеткинчектердин “Алиппе” майрамы белгиленди. Анда окуучулар жыл бою үйрөнгөндөрүн ата-энелерине, окуучуларга көрсөтүп беришти. Ар бири өзүнө бөлүнгөн тамгалар боюнча ырларды айтышып, бий бийлеп, жомоктордон үзүндүлөрдү коюшту.
Ата-энелерине, көрүүчүлөргө табышмак, жанылтмачтарды айтышты. Айрым класстардын окуучулары жаныбар же канаттуулардын элесин берген формаларды атайын майрам үчүн даярдашкан. 1а-класстын класс жетекчиси А.Кулманбетова: “Бүгүн ата-энелерге, мугалимдерге биз эмне үйрөнгөнүбүздү көрсөтүп жатабыз. Бир топ жетишкендиктерге ээ болдук. Азыркы окуучулар бардыгына жөндөмдүү. Ал эми формаларды ата-эненин көмөгу менен даярдадык” дейт.
Даярдаган: Жылдызбекова Алтынай