Жакында  менталдык математика боюнча республикалык олимпиада болуп өттү. Ага Ак-Талаа районунан   жалпы 7 окуучу катышып келди.  Алардын төртөө Ш.Бейшеналиев атындагы орто мектебинин   3-4-5-классынын окуучулары.

Ийрим жетекчиси  Макелеева Нургүл: Республикалык олимпиадага  бардык аймактын окуучулары катышты.   Олипиадада эки, үч орундуу сандар менен жүргүзүлгөн амалдарды кошуу жана кемитүү, көп орундуу  сандарды бир орундуу санга  көбөйтүү   тапшырмалары берилди. Негизи окуучулар 5 минутада 40 эсепти ой жүгүртүп да, абакус менен да чыгара алышат   дейт.

Жыйынтыгында Акталаадан барган  Керимбекова Каным  (5-кл),  Сатарбеков Эрхан (4-кл),   Кулуев Сабырбек (3-кл)    1-орундарды камсыз кылып,  20-июлда Кытайдын Пекин шаарында өтүүчү мамлекеттер аралык олимпиадага  жолдомо алышты. Ал эми  Чоробеков Бексултан  (3-кл)  3-орунга татыктуу болгон.

Канымдын апасы  Мурзакулова Анаранын айтымында  Кытайга олимпиадага катышууга  документтерин даярдап жатышат. Ал эми Макелеева Нургул  Кытайда өтүүчү олимпиадага Кыргызстан биринчи ирет катышып жаткандыктан  барып келүү чыгымдарын ата-энелер өздөрү көтөрөт    деп кошумчалады.  Кыргызстандын атынан   олимпиадага катышуучу жаш математиктерге ийгиликтерди каалайбыз.

Даярдаган:   Мамытбекова Гүлбарчын

Маалымат басылманын менчиги болуп саналат жана көчүрүп басууга тыюу салынат!