“Тун-Ук” жамааттык мультимедиа борбору
Ак-Талаа району, Баетов айылы
Россияда иштеп жана жашап жүрүшкөн Акталаалык жигиттер жакында Баетов айылынын тургуну Казиев Замирге материалдык жардам беришти. Замирдин келинчеги да иштебейт. Өзү менен бирге апасы чогуу жашайт.
“Ак-Талаа биримдиги” коомдук бирикмесинин төрагасы Самат Асаналиевдин айтымында Москвада иштеген Жанарбек аттуу акталаалык жаран бул жолу жердештери менен чогуу айылдагы ден-соолугунун мүмкүнчүлүгү чектелген замандашы Замирге менен жардам беришти. Алар Замирдин үйүнө 3тонна көмүр түшүрүп, 1 мешок ун жана 1 козу жеткирип беришти.
“Албетте жердештерибиздин жашоосуна кайдыгер карай албайбыз. Колубуздан келишинче мындан ары да жардам берүүнү уланта беребиз” дейт С.Асаналиев.
Даярдаган: Г.Мамытбекова