Чолок-Кайың айылындагы Кум-Арыктын сайына көпүрө куруу иши башталды. “Кемп Ала-Тоо” эл аралык уюму көпүрө куруу үчүн курулуш материалдары менен толук камсыз кылган. Ал эми курулуш иштери айыл тургундарынын күчү менен жасалууда. Жерге-Тал айыл өкмөтүнүн башчысы Гулмайрам Учугенованын айтымында бул аталган уюмдун материалдык колдоосу аркылуу курулуп жаткан бешинчи көпүрө.

“Курулуш материалдарынын жалпы баасы 360 миң сомдун тегереги. Өздүк салым катары элдин жумушу күчү 110мин сомго бааланды. Айылды кеңейтүү үчүн ген.планга түшкөн Чолок-Кайың-2 айылы менен байланыштырып турган, автоунаалар өтүүчү чоң көпүрө болот. Курулушка мамлекеттик жана жергиликтүү бюджеттен дагы эч кандай каражат которулган жок”.

Кум-Арык сайына курулуп жаткан көпүрөгө материалдык колдоо Жерге-Тал айыл өкмөтүндөгү жайыт комитетинин долбоору аркылуу келген. Кум-Арык сайы айылдын күн чыгыш тарабында жайгашкан.

 

Кош-Дөбөдөгү Сулайман Шералиев көчөсү жарыктандырылды 

Барчын Мамытбекова