“Тун-Ук” жамааттык мультимедиа борбору
Ак-Талаа району, Баетов айылы
Ак-Талаа районундагы Баетов айылында жеке автоунаа айдоочулар тарабынган сегиз көмүр топтоочу жеке менчик жайлар уюшулган. Учурда болжол менен 120-150тн көмүр отуну жыйналган. Ал эми сатыкта баасы 2500-2700 гө чейин.
Район акими Сейтек Кулубаев көмүр топтоочу жайларда болду
Жеке менчик көмүр топтоочу жайлар
«Турук» көмүр кенинде «Сардар», «Турук-Майнинг» ишканалары көмүр өндүрүүдө. Учурда «Турук» көмүр кенинде, аталган эки ишкана тарабынан тазалоо иштери жүрүп жаткандыктан, көмүр өндүрүү убактылуу токтоп турат.
«Турук» көмүр кесими
Ак-Талаа райондук мамлекеттик администрациянын маалыматына караганда эки-үч күндүн ичинде «Сардар» ишканасы тарабынан көмүр өндүрүү иштери жүргүзүлүп, элге көмүр отуну сатыкка келет.
Эскерте кетсек; Ак-Талаа районунда быйыл кышка камылга кечирек башталды. Учурда бджеттик мекемелердин 97%, ал эми калктын 20 % гана көмүр отуну менен камсыз болду.
Барчын Мамытбекова