Ак-Талаа районундагы Чолок-Кайың айылында «Памир көпүрөлөрү» ассоциациясынын каржылоосу жана «Кемп Ала -Тоо» коомдук фондусунун колдоосу астында бешинчи көпүрөнүн курулушу аяктап, ачылышы болду.

 

Ачылыш салтанатына райаким Сейтек Кулубаев, жергиликтүү тургундар, айыл аксакалдары катышты.
Жерге-Тал айыл өкмөтүнүн жайыт комитетинин башчысы Бактыгул Ашырбековдун маалыматына караганда, көпүрөнүн курулуш иштерине инвесторлордон 362 миң сом жумшалса, жумушчу күчү 110 мин сомго бааланган.

“Бул көпүрө Чолок-Кайың айылынын Кум-Арык сайынан өткөрмө катары кызмат кылат. Натыйжада малдарды ички жайытка жаюуда жана жакынкы сарайларга, жаңы конушка каттоо жеңилдеп, автоунаалардын каттамына шарт түзүлөт”,- дейт.
Мындан тышкары, жайыт комитетинин долбоору аркылуу жаңы курулган бул көпүрө айылды кеңейтүү үчүн ген.планга түшкөн Чолок-Кайың-2 айылы менен да байланыштырган көпүрө болот. Көпүрөнүн курулушуна мамлекеттик жана жергиликтүү бюджеттен эч кандай акча каражаты которулган жок.

Ак-Талаа районунун Арпа жайлоосундагы Каракол суусуна көпүрө куруу демилгеси айтылды

Барчын Мамытбекова