“Тун-Ук” жамааттык мультимедиа борбору
Ак-Талаа району, Баетов айылы
Ак-Талаа районунда бүгүн мектеп окуучуларынын республикалык олимпиадасынын экинчи туру башталып, 10 предмет боюнча 356 окуучу катышууда.
Олимпиадага катышуучу окуучулар ачылыш салтанатта
Республикалык олимпиаданын экинчи туру
Олимпиада Э.Карасартов атындагы орто мектебинде бардык санитардык талаптарды сактоо менен тиешелүү кызматтардын катышуусунда өтүп жатат.
Олимпиданын ачылуу учуру, мугалимдер
Олимпиадада санитардык нормалар сакталды
Олимпиаданы билим берүү бөлүмүнүн башчысы Каныбек Эсеналиев жана райаким Сейтек Кулубаев ачып, окуучуларга ийгилик каалады.
Олимпиаданын ачылышында райаким Сейтек Кулубаев (оңдон экинчи) , райондук билим берүү бөлүмүнүн башчысы Каныбек Эсеналиев (ондон биринчи) куттуктоо сөз сүйлөштү
Райондук билим берүү бөлүмүнүн башчысы Каныбек Эсеналиевдин айтымында олимпиаданын тапшырмасы бүгүн эртең менен электрондук дарек аркылуу келген.
Каныбек Эсеналиев (райондук БББ башчысы) информатика боюнча олимпиада өтүп жаткан кабинетте.
“Олимпиада акыйкат өтөт. Тапшырмалардын жообун алдын-ала алуу мүмкүн эмес. Анткени жообу да азыр саат 14.00дө электрондук дарекке келет. Комиссия мүчөлөрү окуучулардын иштерин видеокөзөмөл бар кабинетте текшеришет. Окуучулардын даярдыгы жакшы жана биз күткөн натыйжаны берет деп ишенип жатабыз. Анткени, аралыктан окуу мезгилинде дагы окуучулар онлайн сынактарга катышып, мугалимдеринин жардамы менен даярданып жатышты”,- дейт.
Олимпиаданын комиссиясы иш үстүндө
Олимпиада эки күнгө созулат. Биринчи күнүндө жазуу, экинчи күнү оозеки тапшырмалар аткарылат.
Эне тил күнүнө карата иш-чаралар жыйынтыкталды
Барчын Мамытбекова