Ак-Талаа районундагы Шүкүрбек Бейшеналиев атындагы инновациялык орто мектебинде класс аралык «Манас таануу» интеллектуалдык таймашы болуп, ага  «Аян» (8-кл), «Сайып уруш» (9-кл) жана  «Эрешен (10-кл)  деген аталыш үч команда катышты.

Интеллектуалдык таймаш мектептеги кыргыз тили жана адабияты усулдук бирикмеси тарабынан уюштурулду. Оюнду уюштуруучулардын бири Бурул Жангазиеванын маалыматына караганда кыргыздын оозеки улуу мурасын муундан-муунга калтыруу негизги максат.

«Манас» дүйнөсүнө баш багуунун өзү эрдик. Ага оңой менен адам батынып кире албайт. Ал эми ошол нерсени окуп түшүнүү, маани берүү андан дагы жооптуу иш. Бирок «Манас» баянын бир эле окуганда түшүнүүгө болот. Бул да бир өзүнчө касиеттир. Окуучуларды улуу мурас аркылуу патриоттуулукка, эли-жерин сүйүү, коргоого, ата-баба баскан жолду билүүгө, үйрөнүүгө, сабак алууга  тарбиялашыбыз керек»,- дейт.

Оюн 5 бөлүктөн туруп, улуу баяндын трилогиясы боюнча суроолор берилди.

Жыйынтыгында «Сайып уруш» командасы 1-орунга чыгып, райондук турга катышууга жолдомо алды. Ал эми «Эрешен» командасы 2-орунга, «Аян» командасы  3-орунга ээ болушту.

Аксана Жусупова