Ак-Талаа районундагы Кара-Бүргөн айыл өкмөтүнүн Төш-Булак жана Э.Акунова атындагы көчөлөрүндөгү авариялык абалдагы электр мамылары алмашылып, бир чакырым көчөгө электр чубалгылары тартылды.

Кара-Бүргөн айыл аймагынын айыл өкмөт башчысы Кудайберген Руслановдун маалыматына караганда айыл элинин электр чубалгыларга болгон муктаждык 95% чечилди.
“Айылда бул боюнча чынында бир аз көйгөйлөр бар болчу. Чубалгылар ылдый түшүп, кыйла эле кооптуу жагдай жаратчу. Ал эми мамылар болсо бир жагына кыйшайып, кулап калууга аз калган. Ошол себептүү Кара-Бүргөн айыл өкмөтү  демилгелеп, долбоор жаздык.  265 000 (эки жүз алтымыш беш миң сом) Ак-Талаа райондук фонд тарабынан каржыланды. Ал эми 130 000 (бир жүз отуз миң сом) жергиликтүү бюджеттен бөлүндү”,- дейт.

Ак-Талаа райондук электр тармагынын кызматкерлери электр мамыларын орнотуп, чубалгыларды тартып беришти.

Барчын Мамытбекова