“Тун-Ук” жамааттык мультимедиа борбору
Ак-Талаа району, Баетов айылы
Бүгүн Ак-Талаа районундагы Баетов айылында 31-август Эгемендүүлүктүн 31жылдыгына арналган салтанаттуу майрамдык жүрүш(парад) өттү. Ага мекеме-ишканалар, билим берүү мекемелери катышты. Жүрүштө мектеп окуучулары, бала бакчанын тарбиялануучулары Эгемендик майрамын даңазалап, кыргыз элинин улуттук каада-салттарын чагылдырышты.
Майрамдык параддын жүрүшү
Балдар билим борборунун жаш таланттары
Майрамдык парадды мектеп окуучулары көрккө бөлөдү
Андан соң Ак-Талаа райондук маданият үйүнүн кызматкерлери Муса Баетов, Молдобасан Мусулманкулов, Бакый Мүсүралиева, Нурак Абдырахманов өңдүү Акталаадан чыккан чыгаан инсандардын элесин берген театралдык оюн-зоок программа тартуулашты.
Райондук маданият үйүнүн театралдаштырылган оюн-зоок программасы
Райондун элин аким Жумадилла Жапарова, Баетов айыл өкмөтүнүн башчысы Алмаз Абдылдаев, Аксакалдар кеңешинин төрагасы Жайлообай Абдиев куттуктап, эгемендиктин баасы, маани-маңызын баса белгилешти.
Район акими Жумадилла Жапаров куттуктады
«Алтын муун-Наристе» балдар бакчасынын көргөзмөсү
Нандын түрлөрү көргөзмөгө коюлду
№40 кесиптик лицейдин кол өнөрчулөрү жасаган буюм-тайымдар
Мындан сырткары, №40 Кесиптик лицей, балдар билим борбору, “Алтын муун Наристе” бала бакчалары чакан көргөзмө уюштуруп, анда кыргыздын улуттук тамак-аштары, буюм-тайымдары коюлду.
Барчын Мамытбекова