Ак-Талаа районундагы  Чолок-Кайың айылынын балбаны Сыймык Садырбек уулу АКШ өлкөсүнүн Пенсильвания штатынын грэпплинг боюнча ачык чемпионатында Сыймык Садырбек уулу 87 килограмм салмактагылар арасында күч сынашып, жыйынтыгында 1-орунду багындырып, аталган штаттын чемпиону болууга жетишти.

Аталган айылда грэпплинг боюнча зал ачып, машыктыруучу болуп келе жаткан Камчы Төлөпалды уулунун айтымында, мелдеш болуп өткөн.

«Сыймык Садырбек уулу мага 9-класста окуп жүргөн кезинде, зал ачылган кезде келген.  Ошондон бери машыгып, бир топ ийгиликтерди багындырып келди. Атап айтканда, ал 2022-жылдын Испания мамлекетинин Понтеведра шаарында өткөн дүйнө биринчилигинде 5-орунду, 2024-жылдын февраль айында АКШнын Питтсбург шаарында өткөн чемпионатта PBJJF грепплинг боюнча 2-орунду, ушул эле жылдын 4-май күнү Пенсильвания штатынын Питтсбург шаарында өткөн NAGA грепплинг боюнча чемпионатта 1-орунду багындырды», — деди ал.

Эскерте кетсек, Сыймык Садырбек уулу буга чейин дагы АКШ да өткөн чемпионатта 2-орунду ээлеген.

Барчын Мамытекова