“Тун-Ук” жамааттык мультимедиа борбору
Ак-Талаа району, Баетов айылы
Ак-Талаа районунда Ветеринария, мал чарбасын өнүктүрүү, жайыт жана тоют башкармалыгына караштуу жеке ветеринардык сервистер жылкыларга чип тагып жатышат. Быйылкы 2025- жылга 5558 баш жылкыны идентификациялоо планы берилген болсо, учурда 15 381 баш жылкыга электрондук чип тагылды. Бардык айылдарда бул иш аяктоо алдында турат.
«Чип жылкынын оң тарабына, жалдын алдындагы моюн этке сайылат. Жылкыларды идентфикациялоонун негизги максаты-жаныбарлардан алынган азыктарды экспортко чыгаруу жана малдын санын тактоо менен бирге уурулукту алдын-алуу болуп саналат»,- дейт аталган башкармалыктын жетектөөчү адиси М.Токтобаев.
Барчын Мамытбекова