“Тун-Ук” жамааттык мультимедиа борбору
Ак-Талаа району, Баетов айылы
Ак-Талаа райондук К.Султангазиев атындагы маданият үйүндө «Сармерден-2026» кыз-жигит оюнунун биринчи айлампасы өтүп, Ветборбор округунун кыздары жана Кара-Суу округунун жигиттери катышып, жергиликтүү обончулардын кайрыктары, патриоттук ырлар, улуттук бийлер жана жаңылмач, табышмак, макал-лакап боюнча акыл-өнөрлөрүн тартуулады.
«Сармердендин» жүрүшүндө макал-лакап, жаңылмач, табышмак айтууда кыздар артыкчылык көрсөтүшүп, алдыга озушту.»Сармерден» кыз-жигит оюну Баетов айылындагы ар бир округдар арасында өтөт.
Эскерте кетсек, аталган маданий иш чара КРнын Президентинин «Улуттук дем-дүйнөлүк бийиктик» Уңгужолун бекитүү Жарлыгынын алкагында Ак-Талаа районунун 90 жылдык мааракесине карата уюштурулууда.
Мээрим Тентиева