“Тун-Ук” жамааттык мультимедиа борбору
Ак-Талаа району, Баетов айылы
Бүгүн Ак-Талаа районундагы Баетов айылында Нооруз майрамына арналган «Арыба кыргызымдын нарктуулугу» аттуу майрамдык салтанат белгиленди. Анда уздардын кол эмгектери, улуттук тамак-аш көргөзмөгө коюлду.
Ошондой эле түнү бою бышырылган 14 казан сүмөлөк энелердин ак батасы, тилеги менен ачылды.
Майрамга арналган салтанат алгач маданият кызматкерлеринин театралдаштырылган программасы менен башталып, ыр-күүлөр менен уланды.
Акимдин орун басары Улан Жылтыров жана Баетов айыл өкмөтүнүн башчысы Арстан Акиев жалпы элди улустун Улуу күнү менен куттуктап, элге-журтка тынчтык, молчулук жана өлкөнүн өсүп-өнүгүүсүнө тилектештигин билдиришти.
Майрамдын жүрүшүндө Баетов айыл өкмөтү тарабынан элге бешбармак, казы-карта, чучук жана сүмөлөк таратылды.
Даярдаган Барчын Мамытбекова
Сүрөттөр: Баяна Токтотемирова, Мээрим Тентиева, Диана Нурланова