“Тун-Ук” жамааттык мультимедиа борбору
Ак-Талаа району, Баетов айылы
Бүгүн, Баетов айылынын Дөрбөлжүн аянтында ыйык Курман айт майрамына карата айт намазы окулду. Майрамдык иш-чарага район тургундары менен катар дин кызматкерлери жана район жетекчилиги катышты.
Район акими М.Камчыбеков Курман айт майрамы ынтымактын, кайрымдуулуктун жана биримдиктин майрамы экенин белгиледи. Ошондой эле ар бир үй-бүлөгө тынчтык, береке жана молчулук каалап, элибизде ынтымак бекем болсун деген тилегин билдирди.
Ал эми райондун баш имамы Айбек уулу Каныбек жамаатка насаат айтып, бул ыйык күндөрдө бири-бирине жардам берүү, боорукерлик жана сабырдуулук адамзат үчүн эң чоң баалуулук экенин белгиледи. Ал жалпы мусулмандардын курмандыгы, тилек-дубалары кабыл болушун каалады.
Барчын Мамытбекова