“Тун-Ук” жамааттык мультимедиа борбору
Ак-Талаа району, Баетов айылы
VI Дүйнөлүк көчмөндөр оюндарынын алкагында спорттун грэпплинг түрү боюнча өткөн мелдеште Нарын облусунун Ак-Талаа районунун Чолок-Кайың айылынан барган балбан Камчы Төлөпалды уулу коло медалга ээ болду.
5-сентябрь күнү грэпплинг боюнча 84 килограмм салмак категориясында күч сынашкан Камчы Төлөпалды уулу байгелүү 3-орунду ээлеп, Кыргызстандын куржунуна коло медаль кошту.
Ак-Талаалык балбан буга чейин да грэпплинг боюнча эл аралык жана республикалык деңгээлдеги ири мелдештерде ийгиликтүү катышып, байгелүү орундарды камсыздап келген.
Мындан тышкары, Камчы Төлөпалды уулу өзүнүн туулган жери Чолок-Кайың айылында демилгеси менен күрөш залын ачып, өспүрүмдөрдү спортко тартуу менен жүздөгөн жаш балбандарды тарбиялап, машыктырып келет.
Барчын Мамытбекова